عباس ڪوريجو ڊاٽ ڪام عباس ڪوريجي جي ادبي ويب سائيٽ
چريءَ کي ڪير سمجهائي!؟؟
چوي ٿي هر روز هوءَ مونکي
مون تي ڪا ڪهاڻي لک
منهنجي سا زباني لک
منهنجي ڪردار کي ڀيٽا ڏي
سسئي، سهڻي ۽ مارئي جيان
انداز ڪو نئون ڏيئي
بس! امر ڪر مونکي
بس! امر ڪر مونکي
چريءَ کي ڪير سمجهائي!؟؟
ادب آسيس آ دل جي
ڪجهه احساس هن من جا
پني تي جيڪي اڪرن ٿا
خيالن ۾
بي بسي آهي
رڳي بي ساختگي آهي
ڪائي ڊکاڻڪي ته ناهي
ريڊيو، ٽي ويءَ جيان مٺڙي
هلندي فرمائش هتي ناهي
ها پر
جڏهن ڪا تار
تن من جي
تنهنجيءَ ڪنهن سار سان وڄندي
ربابن کي وڄائڻ آئون ڄاڻان ٿو
هڪڙي تحرير ڇا مٺڙي
سڄي حيات هي منهنجي
توکي ارپي ڇڏيندس مان
ان کان وڌ ٻي امرتا ڪهڙي؟
فنا تو ۾ ٿي ويندس مان
ٻئي تاريخ بڻجي پوءِ
پيا ڳائبا سين هر دور ۾ هر دم
نوان قصا بڻجي پوءِ
ٻڌائباسين هر دور ۾ هر دم
پر
چريءَ کي ڪير سمجهائي!؟؟
چريءَ کي ڪير سمجهائي!؟؟
