سنڌيءَ ۾ ميسيج ڪريو

سنڌيءَ ۾ ميسيج ڪريو

(هڪ اسٽيج ٽيبلو)

تحرير: عباس ڪوريجو

SMS in Sindhi

***********************************************

) هڪڙو دوست موبائيل فون هٿ ۾ ڪري اسٽيج تي ايندو ۽ موبائيل تان ايس ايم ايس پڙهندو.(

اڪبر: اڙي يار اردوءَ ۾ ميسيج ڪيو اٿئين، پڇي پيو ته تم کهان هو؟

)وري ٻيو ميسيج پڙهندو.(

اڪبر: ابي جلدي بتائو؟ حالت آ يار…. مونکي الائي مهاجر سمجهيو اٿئين جو گاريون پيو ڏي.

)آدينس کي مخاطب ٿي چوندو:(

اڪبر: توهان کان هڪڙي ڳالهه پڇان؟……………….. هو به سنڌي آهي ۽ مان به سنڌي آهيان پوءِ ايس ايم ايس اردوءَ ۾ ڇو؟

)ٽيون ايس ايم ايس ايندو(

اڪبر: مين راستي مين هون آ رها هون!

(حاضرين کي مخاطب ٿي چوندو(

اڪبر: قسم اٿوَ ان جو جنهن کي مڃيندا آهيو، ڳالهايون به سنڌي ٻولي، اجرڪ به پايون، سنڌي ٽوپي به پايون، موهن جي دڙي جا وارث به سڏايون پر پوءِ ڀي پنهنجي مٺڙي ٻولي ڇڏي ڌاري ٻوليءَ ۾ ٿا ميسيج ڪريون؟؟؟؟

(موبائيل کي ڏسي چوندو)

اڪبر: اردوءَ ۾ ڀلي ڪيترا به ميسيج ڪري جواب ڪونه ڏيندو مانس

(ايتري ۾ ڪال ايندي)

اڪبر: هاڻي ڪال پيو ڪري…. الائي مس ڪال پيو ڏي…. اڙي ها ڪال پيو ڪري، کڻي ڏسانس ٿو.

 (فون تي ڳالهه ٻولهه ٿيندي ۽ ٻيو دوست به اسٽيج تي ايندو(

سعيد: هيلو

اڪبر: ها ، ها، هيلو

سعيد: يار اڪبر ڪٿي آهين جواب ئي ڪونه پيو ڏين؟

اڪبر: ادا ڇا جو جواب ڏيان؟

سعيد: هيترا ايس ايم ايس جو ڪيا مانءِ تن جو جواب ادا!

اڪبر: ايس ايم ايس ته اردو ۾ هيا، آئون ڪو مهاجر ٿورئي آهيان؟

سعيد: پر يار ڪيا ته مون ئي ميا ني….

اڪبر: پر يار سنڌيءَ ۾ ڪرين ها ته ڇا پئي ٿيئي؟

سعيد: ادا سنڌي ۾ يا اردو ۾ ڪهڙو ٿو فرق پوي؟

اڪبر: ادا فرق پوي ٿو

سعيد: ڪيئن ڀلا؟

اڪبر: هڪڙي ڳالهه پڇانءِ؟؟

سعيد: ها ادا ڀلي پڇ….!

اڪبر: هن دنيا ۾ ڪروڙين مائرون آهن، توکي ڪنهن جي ماءُ وڌيڪ پياري آهي؟

سعيد: ادا ظاهر آهي ته مون کي پنهنجي ماءِ وڌيڪ پياري آهي

اڪبر: جيڪڏهن دنيا جي سڀني مائرن مان توکي پنهنجي ماءُ وڌيڪ پياري آهي ته  پوءِ ادا ڌرتي ڀي ته ماءُ آهي، ان جي ٻولي ڀي اسان کي ايتري ئي پياري  هجڻ کپي

سعيد: يار اڪبر تو ته اڄ منهنجيون اکيون ئي کولي ڇڏيون ڀاءَ

اڪبر: اگر اسان پنهنجي ٻوليءَ جو قدر نه ڪنداسين ته ٻيو ڪير ڪندو؟ شال نارائڻ شيام جا لفظ تاريخ ۾ نه ورجائجن

الا! ائين م هوءِ جو پڙهجي ڪتابن ۾

هئي سنڌ ۽ سنڌ وارن جي ٻولي

سعيد: مان وچن ٿو ڪريان ته اڄ کان پوِءِ رابطي وارو ايس ايم ايس رومن سنڌيءَ ۾ ئي ڪندم

اڪبر: ڀلا اچ ته هيٺ ويٺل سنڌين کان ڀي وچن وٺون ته اهي ڀي اڄ کان پوءِ رابطي وارا ميسيج سنڌيءَ ۾ ئي ڪندا.

(حال وارن سان مخاطب ٿي وچن وٺندا ۽ گڏجي چوندا)

ٻئي: اسان کي سڀني ٻولين لاءِ عزت آهي پر سنڌي اسان جي مادري زبان آهي ۽ اسان ان جي لاءِ سر به قربان ڪنداسين.

(ختم)